ဟူနောင်ကျေးရွာနား KIA နဲ့ စစ်ကောင်စီတပ် တိုက်ပွဲဖြစ်ပွား

ရှမ်းပြည်နယ် မြောက်ပိုင်း (Kachin Sub-state) နမ့်ဖတ်ကာကျေးရွာအုပ်စု ဟူနောင်ကျေးရွာအထက်ပိုင်းတွင် မေလ ၁၂ ရက်နေ့ ညနေ ၅ နာရီခန့်တွင် တရားမဝင် အာဏာသိမ်း အကြမ်းဖက် စစ်ကောင်စီတပ်နဲ့ ကချင်လွတ်လပ်ရေးတပ်မတော် တပ်မဟာ (၄) တပ်ရင်း (၈) တို့ တိုက်ပွဲဖြစ်ပွားခဲ့ပါတယ်။ ကွတ်ခိုင်မြို့ကနေ ထွက်ခွာလာတဲ့ အကြမ်းဖက် စစ်ကောင်စီတပ်ရဲ့ တပ်မ ၉၉ စစ်ကြောင်းက ဟူနောင်ကျေးရွာအထက်ဘက် စစ်ကြောင်းထိုးလာချိန် ကေအိုင်အေတပ်နဲ့ ထိပ်တိုက်တွေ့ဆုံတာကြောင့် တိုက်ပွဲဖြစ်ပွားခဲ့ခြင်းဖြစ်ပါတယ်။ အဆိုပါ ထိပ်တိုက်တွေ့ဆုံမှုတွင် လက်နက်ကြီး လက်နက်ငယ်များဖြင့် တိုက်ခိုက်ခြင်းဖြစ်တာကြောင့် အကြမ်းဖက် စစ်ကောင်စီတပ်သား (၅) ဦးခန့် သေဆုံးနိုင်ပြီး ကွတ်ခိုင်တွင် တပ်စွဲထားတဲ့ စစ်ကောင်စီတပ်စခန်းကလည်း တိုက်ပွဲဖြစ်ပွားရာနေရာဘက် လက်နက်ကြီးများဖြင့် ပစ်ခတ်မှုကို ည ၇ နာရီအချိန်ထိ ပစ်ခတ်နေတာကို […]

လောင်စာဆီ ဈေးနှုန်းမြင့်တက်လာမှုကြောင့် လယ်လုပ်သူများ အခက်တွေ့နေရ

နိုင်ငံတဝှမ်း လောင်စာဆီ ဈေးနှုန်းမြင့်တက်မှု၊ လုံလောက်ခြင်းမရှိမှုများကြောင့် ဟူးကောင်းဒေသအတွင်းရှိ လယ်ယာလုပ်ကိုင်သူများ မိုးတွင်း စိုက်ပျိုးရေးအတွက် အခက်ကြုံတွေ့နေရကြောင်း သိရပါတယ်။ လီဒိုလမ်းတလျှောက်ရှိ လယ်ယာလုပ်ကိုင်နေတဲ့ ဒေသခံပြည်သူများက စက်သုံးဆီ ဈေးနှုန်းမြင့်မားလာခြင်းကြောင့် လယ်ထွန်စက်အတွက် ယခင်ကထက် ပိုမိုကုန်ကျမှုများပြားလာပြီး လုပ်ကိုင်စားသောက်ဖို့ ပိုမိုခက်ခဲလာကြောင်း ပြောဆိုလာပါတယ်။ ယခင်နှစ်များတွင် စက်ယန္တရားများဖြင့် လယ်ယာထွန်ယက် စိုက်ပျိုးဖို့ ၁ ဧကကို ကျပ် နှစ်သောင်းကနေ နှစ်သောင်းခွဲအထိ ကုန်ကျမှုရှိခဲ့ပေမယ့် ယခုနှစ်မှာတော့ သုံးသောင်းကျော်ကနေ လေးသောင်းအထိ ရောက်ရှိသွားတာပဲ ဖြစ်ပါတယ်။ လောင်စာဆီဈေးနှုန်းမြင့်မားမှုက ဧကများစွာဖြင့် လယ်ယာစိုက်ပျိုးရေးလုပ်ဆောင်နေကြတဲ့ ဒေသခံ တောင်သူများအတွက် ရင်းနှီးမြုပ်နှံဖို့ ငွေကြေးပိုမိုလိုအပ်လာကာ ရင်းနှီးထားသမျှ ပြန်လည် မရရှိလာမှာကိုလည်း စိုးရိမ်နေကြရပြီး အချို့ကတော့ စရိတ်စခများပြားလာခြင်းကြောင့် ရပ်နားထားလိုက်ရသူများလည်း ရှိနေကြောင်း လီဒိုလမ်းရှိ တောင်သူတစ်ဦးကပြောပါတယ်။ လီဒိုလမ်းတလျှောက် လယ်ယာစိုက်ပျိုးမှုများတွင် […]

ကာမိုင်းဒေသခံများကို ညမထွက်ရ အမိန့်ချပြီး မလိုက်နာပါက ပစ်ခတ်မည်ဖြစ်ကြောင်း ဗျူဟာမှူးပြောဆို

ကာမိုင်းမြို့တွင် တပ်စွဲထားတဲ့ ဗျူဟာကုန်းရှိ အကြမ်းဖက် စစ်ကောင်စီတပ်သားများနဲ့ လက်အောက်ခံ ပြည်သူ့စစ်အဖွဲ့ပူးပေါင်းပြီး မေလ ၁၀ ရက်နေ့ မနက် ၇ နာရီခန့်တွင် မြို့တွင်းလမ်းဆုံတွင် ဖြတ်သန်းသွားလာသူများကို စစ်ဆေးမှုပြင်းထန်စွာ ပြုလုပ်ခဲ့ပါတယ်။ အင်အား ၂၀ ပါဝင်တဲ့ အဆိုပါ စစ်ကောင်စီလက်အောက်ခံများက မြို့တွင်းတွင် ယခုလို ရှောင်တခင် စစ်ဆေးမှုပြုလုပ်နေခြင်းကို ဒေသခံပြည်သူများက မည်သည့်အကြောင်းရင်းကြောင့်ဆိုတာကို မသိရှိခဲ့ရကာ ၁ နာရီအကြာမှာတော့ ပြန်လည် ထွက်ခွာသွားကြောင်း သိရပါတယ်။ ရှောင်တခင် စစ်ဆေးမှုအပြီး နေ့လည် ၁၁ နာရီခန့်မှာတော့ ကာမိုင်းဗျူဟာမှူး အောင်နိုင်ဝင်း က ဒေသရှိ အုပ်ချုပ်ရေးမှူးများနဲ့ ရပ်မိရပ်ဖများကို ဗျူဟာကုန်းတွင် ခေါ်ယူတွေ့ဆုံကာ ဒေသလုံခြုံရေးအတွက် လှုပ်ရှားမှုပြုလုပ်မှာဖြစ်တာကြောင့် ဒေသခံများအနေဖြင့် ကူညီပါဝင်ပေးကြဖို့နဲ့ ဆုတောင်းပွဲများကို ကြိုတင်သတင်းပေးကြဖို့ ပြောဆိုခဲ့ကြောင်း ဒေသခံများထံမှ […]

လိုင်ဇာမြို့တွင် သက်တမ်းလွန် စားသုံးကုန်နဲ့ဆေးဝါးများ ဖျက်ဆီး

ကေအိုင်အို ထိန်းချုပ်နယ်မြေ လိုင်ဇာတွင် အစားအသောက်နဲ့ ဆေးဝါးကွပ်ကဲရေးဌာနမှ သက်တမ်းလွန် စားသုံးကုန်နဲ့ ဆေးဝါးများ ဖျက်ဆီးခြင်းကို ဧပြီ ၂၈ ရက်နေ့က ပြုလုပ်ခဲ့ကြပါတယ်။ ယနေ့မီးရှို့ဖျက်ဆီးလိုက်တဲ့ သက်တမ်းလွန် စားသုံးကုန်နဲ့ ဆေးဝါးများကို ဧပြီ ၁၂နဲ့ ၁၃ ရက်နေ့များတွင် မြို့တွင်းရှိ ဈေးဆိုင်များ၊ စားသောက်ဆိုင်များတွင် ရှောင်တခင်ဝင်ရောက် စစ်ဆေးကာ သိမ်းဆည်းထားရှိတဲ့ ထုတ်ကုန်များဖြစ်ကြောင်း သိရပါတယ်။ သက်တမ်းလွန်ခြင်းကြောင့် ဖျက်ဆီးလိုက်တဲ့ ပစ္စည်းများ တန်ဖိုးအနေဖြင့် မြန်မာကျပ်ငွေ ၃၂ သိန်းကျော်နဲ့ တရုတ် ယွမ်ငွေ ၆ ထောင်ကျော် တန်ကြေးရှိကြောင်း အဆိုပါဌာနမှ သိရပါတယ်။ ထို့အပြင် လိုင်ဇာမြို့ဝင်ဂိတ်တစ်ခုဖြစ်တဲ့ မိုင်ဆပ်ပါဂိတ်ကနေ ဝင်ရောက်လာတဲ့ အရက်ဖြူများကိုလည်း အစားအသောက်နဲ့ ဆေးဝါးကွပ်ကဲရေးဌာနမှ သိမ်းဆည်း ဖျက်ဆီးနိုင်ခဲ့ကြောင်း သိရပါတယ်။ ကေအိုင်အို အစိုးရအနေဖြင့် […]

စစ်ကောင်စီလက်အောက်ခံ ချောင်းဝ ပြည်သူ့စစ်တပ်စခန်းကို KIA, KPDF ပူးပေါင်းအဖွဲ့ တိုက်ခိုက်ပြီး မီးရှို့ဖျက်ဆီး

မိုးညှင်းမြို့နယ်၊ အင်းတော်ကြီးဒေသ ချောင်းဝကျေးရွာတွင် တပ်စခန်းချနေတဲ့ အကြမ်းဖက် စစ်ကောင်စီ လက်အောက်ခံ ချောင်းဝပြည်သူ့စစ်အဖွဲ့ကို ဧပြီ ၂၈ ရက်နေ့ မနက် ၄ နာရီခန့်တွင် ကချင်လွတ်လပ်ရေးတပ်မတော် တပ်မဟာ (၉) တပ်ရင်း (၂၆)နဲ့ ကချင်ဒေသပြည်သူ့ကာကွယ်ရေးတပ် (KPDF) ပူးပေါင်းတပ်မှ ဝင်ရောက်တိုက်ခိုက်ခဲ့ကြောင်း သိရပါတယ်။ အကြမ်းဖက် စစ်ကောင်စီရဲ့ ဒေါက်တိုင်အဖြစ် တာဝန်ထမ်းဆောင်ကာ တပ်စွဲနေရာယူနေတဲ့ ပြည်သူ့စစ်တပ်ကို KIA, KPDF ပူးပေါင်းအဖွဲ့မှ လက်နက်ကြီးဖြင့် ဝင်ရောက်ပစ်ခတ်ပြီး အဆိုပါတပ်စခန်းကို မီးရှို့ဖျက်ဆီးခဲ့ကြောင်း ရှေ့တန်းသတင်းရင်းမြစ်ကပြောပါတယ်။ တိုက်ပွဲဖြစ်ပွားမှု ရှိခဲ့တာကြောင့် မနက် ၅ နာရီခွဲခန့်တွင် အကြမ်းဖက် စစ်ကောင်စီတပ်ရဲ့ ကံဆီးဗျူဟာကုန်းနဲ့ တန်ကောင်တောင် တပ်စခန်းမှ ၁၀၅-မမ ခန့်မှန်းရတဲ့ လက်နက်ကြီးဖြင့် ၆ ကြိမ် ပစ်ခတ်ခဲ့ကြောင်း သိရပါတယ်။ […]