မြစ်ကြီးနာမြို့တွင်း အကြမ်းဖက် စစ်ကောင်စီတပ်မှ စစ်ဆေးမှုတွေ ပြင်းထန်လာ

မြစ်ကြီးနားမြို့၊ ပလန ၊ အူဗစ်၊ အာလမ်နဲ့ ဒွမ်ဂန်ရပ်ကွက်များတွင် အကြမ်းဖက် စစ်ကောင်စီတပ်နဲ့ လက်အောက်ခံ ရဲတပ်ဖွဲ့များက ဖြတ်သန်းသွားလာတဲ့ ဒေသခံပြည်သူများကို ရပ်တန့်စစ်ဆေးခြင်းတွေ ဆက်တိုက်လုပ်ဆောင်လာကြောင်း ဒေသခံများက ပြောလာပါတယ်။ “စစ်ကောင်စီတပ်နဲ့ ရဲတွေက အရပ်သားဝတ်စုံနဲ့ ကျေးရွာအတွင်း အိမ်စီးကားတွေနဲ့ လှည့်ပတ်နေကြတယ်၊ သူတို့ မသင်္ကာဘူးဆိုရင် တစ်ခါတည်း ဖမ်းဆီးစစ်ဆေးတာတွေ လုပ်နေတယ်ဗျာ” လို့ ဒေသခံတစ်ဦးကပြောပါတယ်။ ပလန ရဲစခန်းအရှေ့မှာတော့ နေ့တိုင်းစစ်ဆေးမှုရှိနေပြီး အူဗစ်၊ အာလမ်နဲ့ ဒွမ်ဂန်များမှာတော့ နေ့တိုင်းမရှိပေမယ့် အကြမ်းဖက် စစ်ကောင်စီ အခိုင်းအစေများဖြစ်တဲ့ ဒလန်များကတော့ သတင်းပေး ဖမ်းဆီးခိုင်းတာတွေ ရှိနေကြောင်း သိရပါတယ်။ ယခုရက်ပိုင်းအတွင်း မြစ်ကြီးနားမြို့ပေါ်ရှိ အကြမ်းဖက် စစ်ကောင်စီတပ်ရဲ့ ကင်းစခန်းများကို ဒေသကာကွယ်ရေးတပ် PDF များမှ ဝင်ရောက်ပစ်ခတ်မှုတွေ ရှိခဲ့ပြီး သေဆုံးမှုတွေ […]

NUG အစိုးရဦးဆောင်တဲ့ Kachin State Comprehensive University ဖွင့်ပွဲကို လိုင်ဇာမြို့တွင် ပြုလုပ်ခဲ့

အမျိုးသားညီညွတ်ရေးအစိုးရ ပညာရေးဝန်ကြီးဌာနမှ ဦးဆောင်တဲ့ Kachin State Comprehensive University (KSCU) ဖွင့်ပွဲကို ယနေ့ စက်တင်ဘာ ၁၂ ရက်နေ့က ကေအိုင်အိုထိန်းချုပ်နယ်မြေ လိုင်ဇာမြို့တွင် ပြုလုပ်ခဲ့ပါတယ်။ ကချင်ပြည်နယ်အတွင်းနဲ့ နယ်စပ်ဒေသများရှိ ပြည်သူများ အဆင့်မြင့်ပညာရေးသင်ကြားရရှိစေဖို့ မျှော်မှန်းထားကာ ဖက်ဒရယ်ပြည်ထောင်စုပေါ်ပေါက်လာရေးအတွက် လိုအပ်တဲ့ ခြေလှမ်းများထဲကတစ်ခုအပါအဝင်ဖြစ်ကြောင်း ပြောပါတယ်။ Kachin State Comprehensive University (KSCU) ဖွင့်လှစ်ခြင်း ရည်ရွယ်ချက်ကို NUG ပညာရေးဝန်ကြီးဌာန ဒု-အဓိပတိ ပြောတာက “ကချင်ပြည်နယ်နဲ့ နယ်စပ်ဒေသတွေမှာရှိတဲ့ ပြည်သူများ အဆင့်မြင့်ပညာရေး လက်လှမ်းမှီစေဖို့ ရည်ရွယ်ထားသလို အနာဂတ် ဖက်ဒရယ်ပြည်ထောင်စုအတွက် လိုအပ်တဲ့အရာများကို ဖြည့်ဆည်းပေးနိုင်ဖို့၊ စိုက်ပျိုးမွေးမြူရေး၊ နယ်မြေပြဿနာများကို ပညာရေးဖြင့် အဖြေရှာကြဖို့၊ ကချင်ပြည်နယ်ထဲမှာ နိုင်ငံတကာအဆင့်မှီ တက္ကသိုလ်များနဲ့ ချိတ်ဆက်ဖွင့်လှစ်သွားနိုင်ဖို့နဲ့ အားလုံးယုံကြည်ကိုးစားလာမည့် […]

ကေအိုင်အေ သိမ်းပိုက်ထားတဲ့ ဝခါးမှော်တပ်စခန်းကို လေကြောင်း၊ ကုန်းကြောင်းနဲ့ လက်နက်ကြီးများဖြင့် ပြန်လည်တိုက်ခိုက်လာ

တနိုင်း-လီဒိုလမ်းမအနီးရှိ ဝခါးမှော်တွင် ယနေ့ စက်တင်ဘာ ၁၂ ရက်နေ့ မနက် ၁၀ နာရီခန့်တွင် အကြမ်းဖက် စစ်ကောင်စီတပ်မှ ကချင်လွတ်လပ်ရေးတပ်မတော် တပ်မဟာ (၂) တပ်ရင်း (၁၄)ရဲ့ ဝခါးရှေ့တန်းစခန်းတစ်ခုကို ဂျက်လေယာဉ်များဖြင့် လာရောက် ဗုံးကြဲတိုက်ခိုက်ခဲ့ကြောင်း သိရပါတယ်။ နှစ်ဖက်တိုက်ပွဲဖြစ်ပွားခြင်းမရှိချိန် မနက် ၁၀ နာရီခန့်တွင် မြစ်ကြီးနားလေတပ်စခန်းကနေ အကြမ်းဖက် စစ်ကောင်စီတပ်ရဲ့ ဂျက်တိုက်လေယာဉ် ၄ စီးဖြင့် ဝခါးမှော် ရှေ့တန်းစခန်းတဝိုက်ဘက် ၃ ကြိမ်တိုင် လာရောက်ဗုံးကြဲတိုက်ခိုက်မှု ပြုလုပ်ခဲ့တဲ့အပြင် တပ်မ (၈၈)နဲ့ ပြည်သူ့စစ်ပူးပေါင်းအဖွဲ့ကလည်း မြေပြင်ထိုးစစ်အဖြစ် တိုက်ခိုက်လာကာ အဆိုပါရှေ့တန်းစခန်းကို ဝင်ရောက် နေထိုင်နေကြောင်း သိရပါတယ်။ ထို့အပြင် ရှဒူးဇွပ်တပ်စခန်းဖြစ်တဲ့ အကြမ်းဖက် စစ်ကောင်စီတပ် ခလရ (၂၉၇) ကနေလည်း လက်နက်ကြီးများဖြင့် ပစ်ကူတာတွေ […]

ရှမ်းပြည်နယ် မြောက်ပိုင်းဒေသတွင် KIA တပ်နဲ့ အကြမ်းဖက် စစ်ကောင်စီ တိုက်ပွဲဆက်တိုက်ဖြစ်ပွားနေ

ရှမ်းပြည်နယ်မြောက်ပိုင်း ကွတ်ခိုင်မြို့နယ်၊ နမ့်ဖတ်ကာကျေးရွာအုပ်စု Bum Sum Shi တောင်အနီးတွင် ယနေ့ စက်တင်ဘာ ၉ ရက်နေ့ မနက် ၁၀ နာရီခန့်တွင် အကြမ်းဖက် စစ်ကောင်စီတပ်နဲ့ ကချင်လွတ်လပ်ရေးတပ်မတော် တပ်မဟာ (၄) တပ်ရင်း (၈) ကြားတိုက်ပွဲဖြစ်ပွားခဲ့ပါတယ်။ အကြမ်းဖက် စစ်ကောင်စီတပ်က Bum Sum Shi တောင်ဘက် စစ်ရေးလှုပ်ရှားမှု ပြုလုပ်လာစဉ် ကေအိုင်အေတပ်မှ ကြားဖြတ်စောင့်ကြိုတိုက်ခိုက်ခဲ့တာဖြစ်ပြီး နှစ်ဖက်တိုက်ပွဲဖြစ်ပွားချိန် ကွတ်ခိုင်တပ်စခန်းကနေ နေ့လည် ၁၁ နာရီခန့်တွင် လက်နက်ကြီးဖြင့် ပစ်ကူတတွေ ရှိနေခဲ့ကြောင်း သိရပါတယ်။ ထိုအပြင် ကေအိုင်အေတပ်မဟာ (၆) တပ်ရင်း (၉) နယ်မြေ ယုန်ငေါ့တွင် မနက် ၁၀ နာရီခန့်ကနေ ၁၀ နာရီခွဲအချိန်ထိ အကြမ်းဖက် စစ်ကောင်စီတပ်နဲ့ […]

ထိခိုက်သေဆုံးမှုများလာတဲ့ အကြမ်းဖက် စစ်ကောင်စီတပ်က ဒေသခံများကို ရွာမီးရှို့မယ်လို့ ခြိမ်းခြောက်လာ

ရှမ်းပြည်နယ် မြောက်ပိုင်း ကွတ်ခိုင်မြို့နယ်၊ ခိုမုန်းရွာနဲ့ ဆွန်လုံရွာကြား ယနေ့ စက်တင်ဘာ ၈ ရက်နေ့ မနက် ၈ နာရီခွဲခန့်တွင် အကြမ်းဖက် စစ်ကောင်စီတပ်နဲ့ ကချင်လွတ်လပ်ရေးတပ်မတော် တပ်မဟာ (၆) တပ်ရင်း (၉) တို့ တိုက်ပွဲဖြစ်ပွားမှု ရှိခဲ့ပါတယ်။ အကြမ်းဖက် စစ်ကောင်စီတပ် တပ်မ (၇၇)နဲ့ တပ်မ (၉၉) တို့က အင်အား ၂၀၀ ဝန်းကျင်ဖြင့် နမ့်ဖတ်ကာဘက်ကနေ ကေအိုင်အေတပ်ရင်း (၉) နယ်မြေဘက် ယမန်နေ့ကတည်းက ထိုးစစ်ဆင်လာခဲ့တာကြောင့် ကေအိုင်အေတပ်မှ ခုခံတိုက်ခိုက်ခဲ့ကာ နှစ်ဖက် မိနစ် ၃၀ ကြာမျှ တိုက်ပွဲဖြစ်ပွားခဲ့ပါတယ်။ နှစ်ဖက် တိုက်ပွဲဖြစ်ပွားပြီး အကြမ်းဖက် စစ်ကောင်စီတပ်က သေဆုံး ထိခိုက်ဒဏ်ရာရရှိမှုတွေ များပြားခဲ့တာကြောင့် ဆွန်လုံကျေးရွာ အုပ်ချုပ်ရေးမှူးအဖွဲ့များကို ခေါ်ယူကာ […]