ကေအိုင်အိုအစိုးရမှ စားသောက်ကုန်အခွန်ကောက်ခံခြင်း လိုင်ဇာမြို့တွင် ယာယီရပ်ဆိုင်းထား

လိုင်ဇာမြို့တွင် ဇူလိုင် ၃၀ ရက်နေ့ကစတင်ပြီး အခြေခံစားသောက်ကုန် အခွန်ကောက်ခံခြင်းများကို ကေအိုင်အိုအစိုးရရဲ့ ညွန်ကြားချက်ဖြင့် ယာယီရပ်ဆိုင်းထားကြောင်း မြို့တော်အုပ်ချုပ်ရေးရုံးထံမှ သိရပါတယ်။ လက်ရှိအချိန် ကိုဗစ်-၁၉ ရောဂါတတိယလှိုင်းဖြစ်ပေါ်ချိန် ရောဂါပျံ့နှံ့မှုရှိနေတာကြောင့် ရပ်ကွက်အလိုက် အသွားအလာကန့်သတ်ချက်တွေထုတ်ပြန်ထားချိန်ဖြစ်ကာ ပြည်သူများအနေဖြင့် အသက်မွေးဝမ်းကျောင်းလုပ်ငန်း၊ ကုန်သွယ်ရေးများ အခက်အခဲဖြစ်လာခြင်းကြောင့် အခြေခံစားသောက်ကုန်များအပေါ် အခွန်ကောက်ခံခြင်းများကို ရပ်ဆိုင်းလိုက်တာဖြစ်ပါတယ်။ ယခုလို ပြည်သူအများ ဒုက္ခရောက်နေရချိန် ဈေးရောင်းချနေတဲ့ ကုန်သည်များအနေဖြင့် ဈေးကစားခြင်း၊ ဈေးနှုန်းမြင့်တင်ခြင်းများ မရှိစေဖို့ မြို့တော်အုပ်ချုပ်ရေးများမှ ကြီးကြပ်ဆောင်ရွက်မှုတွေလုပ်ဆောင်နေကြောင်း လိုင်ဇာမြို့တော်အုပ်ချုပ်ရေးမှူး ဆလန်ဝါလာ ဂွမ်ဂျာဒူ ကပြောပါတယ်။ ကေအိုင်အိုထိန်းချုပ်ရာနယ်မြေများနဲ့ မြို့တော်လိုင်ဇာတွင် ကိုဗစ်-၁၉ ကပ်ရောဂါ ပထမလှိုင်း၊ ဒုတိယလှိုင်းများ ဖြစ်ပေါ်ချိန် ရောဂါဝင်ရောက်မှုမရှိစေဖို့ ကာကွယ်နိုင်ခဲ့ပေမယ့် ယခုတတိယလှိုင်းအရောက်မှာတော့ ကာကွယ်ထိန်းချုပ်တားဆီးနေစဉ် ရောက်ရှိလာပြီဖြစ်တာကြောင့် ပြည်သူများအနေဖြင့် စိုးရိမ်ထိတ်လန့်ခြင်းမရှိပဲ ကိုဗစ်-၁၉ ရောဂါကာကွယ်ကုသထိန်းချုပ်ရေးကော်မတီမှ ချမှတ်ထားတဲ့စည်းကမ်းများကို […]

ရွာပျက်ကြီးသဖွယ်ဖြစ်အောင် အာဏာသိမ်းစစ်တပ်မှ လက်နက်ကြီးများဖြင့် ပစ်ခတ်

မုံကိုး-ဖောင်းဆိုင်ဒေသတွင် အကြမ်းဖက်အာဏာသိမ်းစစ်ကောင်စီတပ်နဲ့ ကိုးကန့်တပ်မတော် (MNDAA)တို့ကြား နှစ်ဖက်တိုက်ပွဲတွေ ယခုတလော ခပ်စိတ်စိတ်ဖြစ်ပွားနေကာ ကျေးရွာအချို့ရှိ ပြည်သူများ ထွက်ပြေးတိမ်းရှောင်ခဲ့ရတဲ့အထိ ဖြစ်ပွားခဲ့ပါတယ်။ အကြမ်းဖက် အာဏာသိမ်းစစ်ကောင်စီတပ်မှ ကိုးကန့်တပ်မတော်တည်ရှိရာ ဖောင်းဆိုင်ဒေသ မန်ယန်ကျေးရွာအတွင်းဘက် လက်နက်ကြီးများ တရစပ် ပစ်ခတ်နေတာကြောင့် ဒေသခံပြည်သူများ ထွက်ပြေးတိမ်းရှောင်ခဲ့ကြရကာ ထိုကျေးရွာက လက်ရှိမှာတော့ အပျက်အစီးများစွာဖြစ်ပေါ်နေကြောင်း သိရပါတယ်။ အာဏာသိမ်းစစ်တပ်ရဲ့ လက်နက်ကြီးရမ်းသမ်းပစ်ခတ်မှုကြောင့် မန်ယန်ကျေးရွာရှိ ဘုရားကျောင်း ထိခိုက်ပျက်စီးသွားခဲ့ရကာ ဒေသခံပြည်သူများကတော့ မိမိမွေးမြူထားတဲ့ တိရစ္ဆာန်များနဲ့ စိုက်ပျိုးဆဲအရာများကို ထားရစ်ခဲ့ရပြီး ဘန်မွေကျေးရွာဘက် ထွက်ပြေးတိမ်းရှောင်နေကြရတာဖြစ်ကာ လက်ရှိမှာတော့ ကျေးရွာက ရွာပျက်တဖွယ်ပျက်စီးသွားခဲ့ရကြောင်း သိရပါတယ်။ ယနေ့ည ၈ နာရီ ၁၅ မိနစ်ခန့်မှာတော့ မူဆယ်-နမ့်ဖက်ကာကြားရှိ နမ့်ပေါ်တံတားအနီးရှိ အာဏာသိမ်းစစ်ကောင်စီရဲ့ တပ်စခန်းတစ်ခုကို ကေအိုင်အေ တပ်ရင်း (၉) တပ်ခွဲ (၂) […]

ဆီးဒင်ယံရှိ အာဏာသိမ်းစစ်တပ်စခန်းကို KIA ဝင်တိုက် စခန်းမီးရှို့

ကချင်ပြည်နယ် မိုးကောင်းမြို့နယ် ဆီးဒင်ယံကျေးရွာအနီးရှိ အကြမ်းဖက် အာဏာသိမ်းစစ်ကောင်စီရဲ့ တပ်စခန်းတစ်ခုကို ယနေ့ ဇူလိုင် ၃၁ ရက်နေ့ မနက် ၄ နာရီခန့်တွင် ကချင်လွတ်လပ်ရေးတပ်မတော် တပ်မဟာ (၂) တပ်ရင်း (၁၁) မှ ဝင်ရောက်တိုက်ခိုက်မှု လုပ်ဆောင်ခဲ့ကာ စစ်ကောင်စီဘက်မှ သေဆုံးမှုတွေရှိခဲ့ပါတယ်။ နှစ်ဖက်တိုက်ပွဲဖြစ်ပွားနေချိန် မိုးကောင်းမြို့ရှိ တကခ (၂) မှ တိုက်ပွဲဖြစ်ပွားရာနေရာဘက် လက်နက်ကြီးဖြင့် ရမ်းသမ်းပစ်ခတ်ချိန် ဆီးဒင်ယံကျေးရွာအတွင်း ကျရောက်ပေါက်ကွဲမှု ဖြစ်ပွားခဲ့တာကြောင့် အပြစ်မဲ့ပြည်သူတစ်ဦး သေဆုံးခဲ့ရပါတယ်။ “သေဆုံးသွားရသူကတော့ မိုးကျော် လို့အမည်ရတယ်၊ လက်နက်ကြီးက ကျေးရွာအတွင်း ၃ လုံးလောက်ကျရောက်ပေါက်ကွဲတယ်၊ လမ်းအနီးမှာရှိတဲ့ သင်းထောက်တစ်ဦးရဲ့ နေအိမ်မှာလည်း လက်နက်ကြီးကျတယ် သေဆုံးတာကတော့ တစ်ဦးတည်းပဲ၊ အခြားတော့မထိခိုက်ဘူး၊ ဒီမနက် ကေအိုင်အေတွေ အာဏာသိမ်းစစ်တပ်ကို သွားတိုက်ခိုက်ပြီး စခန်းကို […]

အကြမ်းဖက်အာဏာသိမ်းစစ်တပ်ရဲ့ တပ်စခန်း ၃ ခုကို ကေအိုင်အေ တိုက်ခိုက်

အကြမ်းဖက်အာဏာသိမ်းစစ်ကောင်စီရဲ့ တပ်စခန်း သုံးခုထက်မနည်းကို ယမန်နေ့ညနဲ့ ယနေ့မနက်တွင် ကချင်လွတ်လပ်ရေးတပ်မတော်မှ အလစ်ဝင်ရောက်တိုက်ခိုက်မှုကြောင့် စစ်ကောင်စီဘက်မှ ထိခိုက်သေဆုံးမှုများရှိခဲ့သလို စစ်အင်အားတိုးချဲ့ဖို့ ထွက်ခွာလာတဲ့ စစ်ယဉ်တန်းကိုလည်း ကြားဖြတ်တိုက်ခိုက်မှုတွေလုပ်ဆောင်ခဲ့ပါတယ်။ တနိုင်း-လီဒိုလမ်းပေါ် မရန်ကထောင်ကျေးရွာရှိ အကြမ်းဖက်အာဏာသိမ်းစစ်ကောင်စီတပ်ရဲ့ စစ်ဆေးရေးဂိတ်ကို ယနေ့ ဇူလိုင် ၃၀ ရက်နေ့ မနက် ၄ နာရီခန့်က ကချင်လွတ်လပ်ရေးတပ်မတော် တပ်မဟာ (၂) တပ်ရင်း (၁၁) အဖွဲ့မှ တပ်သားအချို့ အလစ်ဝင်ရောက်တိုက်ခိုက်ခဲ့ကာ မနက် ၅ နာရီအထိ အချိန် ၁ နာရီကြာ နှစ်ဖက်တိုက်ပွဲဖြစ်ပွားခဲ့ကြောင်း သိရပါတယ်။ ယနေ့မနက်မှာပင် မိုးကောင်းမြို့တွင် တပ်စွဲနေရာယူထားတဲ့ အာဏာသိမ်းစစ်တပ် တကခ (၃) တပ်ကို ကေအိုင်အေမှ လက်နက်ကြီးများဖြင့် လျှပ်တပြတ်ဝင်ရောက်တိုက်ခိုက်ခဲ့တာကြောင့် စစ်ကောင်စီတပ်သားများ ထိခိုက် သေဆုံးမှုတွေရှိခဲ့ကြောင်း ရှေ့တန်းစခန်းထံမှ သိရပါတယ်။ […]

အသွားအလာကန့်သတ်နယ်မြေများ အစားအသောက်နဲ့ဆေးဝါးများ ဝယ်ယူနိုင်ရေးစီစဉ်ပေး

မကြာသေးခင်က ကိုဗစ်-၁၉ ရောဂါပိုးရှိသူ စစ်ဆေးတွေ့ရှိခဲ့တဲ့ ကေအိုင်အိုထိန်းချုပ်နယ်မြေ လိုင်ဇာမြို့နဲ့ အနီးဝန်းကျင်ရှိ စစ်ဘေးရှောင်စခန်းများတွင် အသွားအလာကန့်သတ်ခြင်းများ လုပ်ဆောင်ထားချိန် လိုအပ်လာမည့် စားသောက်ကုန်းနဲ့ ဆေးဝါးများ ဝယ်ယူနိုင်ရေးအတွက် လိုင်ဇာအုပ်ချုပ်ရေးရုံးကနေ ကြီးကြပ်ပြီး စီစဉ်ဆောင်ရွက်ပေးနေပါတယ်။ အစားအသောက်နဲ့လိုအပ်တဲ့ပစ္စည်းများ ဝယ်ယူနိုင်ရေး သက်ဆိုင်ရာဆိုင်များရဲ့ ဖုန်းနံပါတ်များကို ဖြန့်ဝေထားပေးကာ ဆက်သွယ်မှာယူနိုင်မှာဖြစ်ပြီး ကိုဗစ်-၁၉ ရောဂါကာကွယ်ရေးစည်းကမ်းများနဲ့အညီ စီစဉ်ဆောင်ရွက်ပေးနေကြောင်း မြို့တော် စည်ပင်သာယာရေးကော်မတီထံမှ​သိရပါတယ်။ “ပစ္စည်းမှာယူရေးမှာ တစ်ဦးတစ်ယောက်တည်းမဟုတ်ပဲ ရပ်ကွက်အလိုက်၊ စစ်ဘေးရှောင်စခန်းအလိုက် စုပေါင်းမှာယူနိုင်တဲ့ နည်းကို လုပ်ဆောင်သွားဖို့ စီစဉ်ထားပါတယ်” လို့ လိုင်ဇာမြို့တော် စည်ပင်သာယာရေးကော်မတီ တာဝန်ရှိသူ အင်ခွန်လွမ်တူး ကပြောပါတယ်။ အသွားအလာကန့်သတ်ထားတဲ့အချိန်တွင် ကုန်ဈေးနှုန်းကို သတ်မှတ်ထားတဲ့ဈေးနှုန်းထက် ကျော်လွန်ပြီး မရောင်းချဖို့ သက်ဆိုင်သူများမှ ပြောဆိုသတိပေးထားပြီးဖြစ်ကာ ဈေးတင်ရောင်းချခြင်းမရှိစေဖို့လည်း စောင့်ကြည့် ထိန်းကျောင်းသွားမှာဖြစ်ကြောင်း သူကဆက်ပြောပါတယ်။ ထို့ပြင် မြို့တွင်းရှိ […]