စစ်အာဏာရှင်စနစ်နဲ့ လူမျိုးကြီးဝါဒကို အမြစ်ပြတ်ချေမှုန်းသွားမယ့် KIO ဥက္ကဌမိန့်ခွန်းကို Alen Bum စစ်ဘေးရှောင်ကျောင်းသားများ အတူတကွနားဆင်ခဲ့

Alen Bum စစ်ဘေးရှောင်စခန်း အထက်တန်းကျောင်းတွင် ဘော်ဒါနေ ကျောင်းသားများက အောက်တိုဘာ ၂၅ ရက်နေ့တွင် ကျရောက်တဲ့ ကချင်လွတ်လပ်ရေးအဖွဲ့ (KIO) ဖွဲ့စည်းတည်ထောင်ခြင်း (၆၁) နှစ်မြောက် အခမ်းအနားပွဲကို မနက် ၉ နာရီအချိန်တွင် ပြုလုပ်ကျင်ပခဲ့ကာ ကေအိုင်အို ဥက္ကဌ ဗိုလ်ချုပ်ကြီး အင်ဘန်လရဲ့ မိန့်ခွန်းကို ကြားနာခဲ့ကြကာ အားကစားပြိုင်ပွဲများ ကျင်းပခဲ့ကြပါတယ်။ KIO ဥက္ကဌရဲ့ မိန့်ခွန်းကို ကျောင်းအုပ်ဆရာကြီး မရူခေါင်လွမ်း ကနေပြီး ဖတ်ရှုပေးခဲ့ကာ ဆရာ၊ ဆရာမများက သီချင်းများဖြင့် သီဆိုဂုဏ်ပြုခဲ့ကာ ကေအိုင်အိုအထိမ်းအမှတ်နေ့ကို ကြိုဆိုခြင်းသောအားဖြင့် အားကစားယှဉ်ပြိုင်ပွဲတွေ ပြုလုပ်ခဲ့ကြောင်း ဆရာတစ်ဦးကပြောပါတယ်။ Alen Bum စစ်ဘေးရှောင်စခန်း အထက်တန်းကျောင်းတွင် လက်ရှိအချိန် ပညာဆည်းပူးနေသူ ကျောင်းသား ၁၃၀၀ ကျော်ရှိကာ ကျောင်းဆရာ ၁၀၀ ကျော်ဖြင့် တာဝန်ထမ်းဆောင်နေတာဖြစ်ပါတယ်။ ယခင်နှစ်များမှာတော့ ကေအိုင်အိုနေ့အထိမ်းအမှတ်အခမ်းအနားကို […]

ရှင်ဗွေယန်မြို့နယ်တွင် အာဏာသိမ်းစစ်ကောင်စီတပ်နဲ့ ကေအိုင်အေကြား တိုက်ပွဲဖြစ်ပွား

တနိုင်း-လီဒိုလမ်းပိုင်း ရှင်ဗွေယန်မြို့နယ်ခွဲ တခတ်ကျေးရွာအနီးတွင် အောက်တိုဘာ ၂၅ ရက်နေ့ နေ့လည် ၁၁ နာရီခန့်တွင် ထိုဒေသတဝိုက် စစ်ကြောင်းထိုး လှုပ်ရှားလာတဲ့ အာဏာသိမ်း အကြမ်းဖက် စစ်ကောင်စီတပ် ခမရ (၈၆) တပ်ဖွဲ့နဲ့ ကချင်လွတ်လပ်ရေးတပ်မတော် တပ်မဟာ (၂) တပ်ရင်း (၄၅) တို့ တိုက်ပွဲဖြစ်ပွားခဲ့ပါတယ်။ အင်အား ၆၀ ပါဝင်တဲ့ စစ်ကောင်စီယာဉ်တန်းက ရှင်ဗွေယန်ဘက်ကနေ တရုံကျေးရွာဘက် စစ်ရေးလှုပ်ရှားလာစဉ် ကေအိုင်အေတပ်မှ ကြားဖြတ်မိုင်းဆွဲတိုက်ခိုက်ပြီး နှစ်ဖက်တိုက်ပွဲဖြစ်ပွားခဲ့ခြင်းဖြစ်ကာ စစ်ကောင်စီတပ်ဖွဲ့ဝင်များက အနီးဝန်းကျင်ဘက် လက်နက်ကြီးလက်နက်ငယ်များဖြင့် ရမ်းသမ်းပစ်ခတ်နေခဲ့ကြောင်း ရှေ့တန်းသတင်းရင်းမြစ်အရ သိရပါတယ်။ အဆိုပါစစ်ကြောင်းက စစ်ရေးလှုပ်ရှားလာခြင်းကြောင့် အောက်တိုဘာ ၂၂ ရက်နေ့တွင်လည်း တနိုင်းမြို့မှ စစ်ယာဉ်တန်းဖြင့် တက်လာတဲ့ စစ်ကောင်စီတပ်ဖွဲ့ကို ကေအိုင်အေဘက်မှ လဂျားဘွမ်နဲ့ တရုံကျေးရွာကြားတွင် တိုက်ခိုက်မှု ရှိခဲ့ပါသေးတယ်။ […]

အင်ဂွန်လ အထက်တန်းကျောင်းမှ ကျောင်းသားများနဲ့ ဆရာများ ၂၂၀ ဦးတွင် ကိုဗစ်ပိုးကူးစက်ခံရ

ကေအိုင်အို ထိန်းချုပ်နယ်မြေ အင်ဂွန်လမြို့ရှိ အထက်တန်းကျောင်းတွင် ပညာဆည်းပူးနေတဲ့ ကျောင်းသားနဲ့ သင်ကြားပို့ချပေးနေတဲ့ ကျောင်းဆရာများ အယောက် (၂၇၈) ဦးကို အောက်တိုဘာ ၂၃ ရက်နေ့က ကိုဗစ်ပိုးရှိမရှိ စစ်ဆေးစဉ် ၂၂၀ ဦးတွင် ကိုဗစ်ကူစက်ခံထားရခြင်းကို တွေ့ရှိခဲ့ကြောင်း သိရပါတယ်။ ဒေသဆေးရုံတွင် ကိုဗစ်လူနာ တွေ့ရှိခဲ့အပြီး ကျောင်းတွင်း ဖျားနာ ချောင်းဆိုမှုများ ဖြစ်နေသူအချို့ကို စစ်ဆေးမှုအပြီး ကျောင်းနှင့်ဆက်စပ်သူအားလုံးကို ပိုးရှိမရှိ စစ်ဆေးခဲ့ခြင်းလည်း ဖြစ်ပါတယ်။ “ကျောင်းမှာ တာဝန်ထမ်းဆောင်နေသူတစ်ဦး အင်ဂွန်လ ပြည်သူ့ဆေးရုံမှာ ကိုဗစ် စစ်ဆေးကြည့်တော့ ပိုးတွေ့ခဲ့တာကြောင့် ကျောင်းက ချောင်းဆိုး၊ ဖျားနာသူတွေကို ထပ်မံစစ်ဆေးရာမှာတော့ ပိုးကူးစက်ခံထားရကြောင်း တွေ့ရှိခဲ့တာပါ၊ အခုကတော့ ကျောင်းမှာထားပြီး ဆေးဝါးကုသမှု ပေးအပ်နေပါတယ်” လို့  ကိုဗစ်ကော်မတီမှ တာဝန်ရှိသူတစ်ဦးက ပြောပါတယ်။ အင်ဂွန်လမြို့တွင် ကိုဗစ်-၁၉ […]

စစ်အာဏာရှင်စနစ်နဲ့ လူမျိုးကြီးဝါဒကို အမြစ်ပြတ်ချေမှုန်းသွားမှာ ဖြစ်ပြီး ဓမ္မဘက်ရပ်တည်သွားမှာဖြစ်ကြောင်း KIO ပြောဆို

ကချင်လွတ်လပ်ရေးအဖွဲ့ (KIO) တည်ထောင်ခြင်း ၆၁ နှစ်ပြည့်တဲ့ အောက်တိုဘာ ၂၅ ရက် ယနေ့တွင် ကေအိုင်အို ဥက္ကဌ ဗိုလ်ချုပ်ကြီး အင်ဘန်လမှ ပြည်သူပြည်သားများနဲ့ ကေအိုင်အိုတွင် တာဝန်ထမ်းဆောင်နေသူများကို မိန့်ခွန်းတစ်ရပ် ပြောဆိုခဲ့ပါတယ်။ ကေအိုင်အိုကို ၁၉၆၀ ခုနှစ် အောက်တိုဘာလ ၂၅ ရက်နေ့တွင် စတင်ဖွဲ့စည်းခဲ့တာဖြစ်ပြီး မြန်မာအစိုးရ အာဏာရှင်ခေတ်အဆက်ဆက်က ကေအိုင်အို အင်အားချိနှဲ့သွားဖို့ ဖိနှိပ်သွေးခွဲခြင်းများကို အကြိမ်ကြိမ် ကြုံတွေ့ခဲ့ရကာ အသက်ပေါင်းများစွာလည်း ပေးဆပ်ခဲ့ရပြီးဖြစ်ပါတယ်။ ကေအိုင်အိုအနေဖြင့် တော်လှန်ရေးအဖွဲ့ဖြစ်တာနဲ့အညီ နိုင်ငံရေး စစ်ရေး အခင်းအကျင်းနှစ်ရပ်လုံးကို ခုခံတော်လှန်နေပြီး စစ်အာဏာရှင်များရဲ့ ပြည်သူများအပေါ် ရက်စက်ကြမ်းကြုပ်မှုများကို မေ့ပျောက်သွားမှာ မဟုတ်ကြောင်း ဗိုလ်ချုပ်ကြီး အင်ဘန်လ ကပြောပါတယ်။ “ကချင်လွတ်လပ်ရေးအဖွဲ့အစည်းက လက်နက်ကိုင်တော်လှန်ရေးအဖွဲ့ဖြစ်တာနဲ့အညီ မြန်မာနိုင်ငံရှိ အာဏာရှင်အစိုးရ ခေတ်အဆက်ဆက်တွင် နိုင်ငံရေး၊ စစ်ရေး စတဲ့အခင်းအကျင်း […]

ကေအိုင်အို ထိန်းချုပ်နယ်မြေရှိ စာသင်ကျောင်းအချို့ ပြန်လည်ဖွင့်လှစ်တော့မည်

ကေအိုင်အို ထိန်းချုပ်နယ်မြေတစ်ခုဖြစ်တဲ့ ပူတာအိုမြို့နယ်ရှိ ဘွမ်နွယ်ကျေးရွာ စာသင်ကျောင်းနဲ့ ဆလန်ယန်စစ်ဘေးရှောင် မူလတန်းကျောင်းကို ကိုဗစ်-၁၉ ကပ်ရောဂါ ကူးစက်ပျံ့နှံမှုအခြေအနေ အရပ်ရပ်ကြောင့် ရပ်နားထားရာကနေ အောက်တိုဘာ ၂၂ ရက်နေ့ကစတင်ပြီး ပြန်လည်ဖွင့်လှစ်သင်ကြားနေပြီ ဖြစ်ပါတယ်။ လွန်ခဲ့သောလက ဘွမ်နွယ်ကျေးရွာနဲ့ ဆလန်ယန်စစ်ဘေးရှောင်စခန်းတွင် ကိုဗစ်-၁၉ ရောဂါပိုးရှိသူကို စစ်ဆေးတွေ့ရှိခဲ့တာကြောင့် ကျောင်းပိတ်ထားရာကနေ ယခုတွင် ကူးစက်ခံရသူများ လျော့နည်းသက်သာလာပြီဖြစ်တာကြောင့် ကျောင်းကို ပြန်လည်ဖွင့်လှစ်ခဲ့ခြင်းဖြစ်ကြောင်း ကိုဗစ်-၁၉ ကပ်ရောဂါကာကွယ်နှိမ်နှင်းရေး မြောက်ပိုင်းဒေသကော်မတီထံမှသိရပါတယ်။ ကိုဗစ်ကူစက်ခံထားရသူများကို အင်ထန်ဇွပ်ကွာရန်တင်းစင်တာတွင် ထားရှိကာ ဆေးဝါးကုသမှုပေးအပ်နေပြီး ရောဂါပြင်းထန်ခြင်းမရှိတော့ကာ ပျောက်ကင်းသက်သာလာကြပြီဖြစ်ကြောင်း သိရပါတယ်။ ကေအိုင်အို ထိန်းချုပ်နယ်မြေ မြောက်ပိုင်းဒေသအတွင်းတွင် ဖြစ်လှစ်ထားတဲ့ အင်ဂွမ်းလကျောင်း၊ ကဂျီထုကျောင်းနဲ့ အခြားသော အလယ်တန်း၊ မူလတန်းကျောင်းများအားလုံးကို ကိုဗစ်-၁၉ ကူစက်ပျံ့နှံ့ခြင်း မရှိတော့တာကြောင့် စက်တင်ဘာလကစတင်ပြီး ဖွင့်လှစ်သင်ကြားပေးနေပြီလည်း ဖြစ်ပါတယ်။ လက်ရှိအချိန် […]