ယနေ့ စက်တင်ဘာ ၇ ရက်နေ့ အမျိုးသားညီညွတ်ရေးအစိုးရ (NUG) မှ နိုင်ငံတော်ကို အရေးပေါ်အခြေအနေအဖြစ် သတ်မှတ်လိုက်အပြီး မူဆယ်မြို့ဘက်ကို ၁၀၅ မိုင်ရှိ အာဏာသိမ်းစစ်ကောင်စီတပ်အင်အား ၃၀၀ ဝန်းကျင် ဝင်ရောက်လာခဲ့ကြောင်း သိရပါတယ်။
မူဆယ်မြို့ ရဟတ်ယာဉ်ကွင်းရှိရာနေရာတွင်လည်း စစ်ကောင်စီတပ်များ အင်အားအများအပြားဖြင့် စောင့်ကြပ်နေကာ စစ်ဆေးမေးမြန်းမှုတွေလည်း ထူပြောနေပြီး မူဆယ်မြို့ နေရာအတော်များများတွင် စစ်ဆေးမှုရှိနေကြောင်း သိရပါတယ်။
“ညနေ သုံးရာရီ စတင်ပြီး အပြင်ထွက်ခြင်းမပြုလုပ်ဖို့ ဆော်ဩနေတာကြားရတယ်” လို့ မူဆယ်မြို့နေ ပြည်သူတစ်ဦးကပြောဆိုခဲ့ပေမယ့် အချို့နေရာများမှာတော့ ယခုလို ဆော်ဩခြင်း မကြားခဲ့ရကြောင်း ပြောဆိုကြပါတယ်။
