ဇွန် ၉ ရက်၊ ၂၀၂၃ ခုနှစ်။
ကချင်ဒေသ တစ်ကျော့ပြန်တိုက်ပွဲဖြစ်ပွားခြင်း ၁၂ နှစ်ပြည့်တဲ့ ယနေ့ ဇူလိုင် ၉ ရက်နေ့တွင် ရှမ်းပြည်နယ်မြောက်ပိုင်း၊ ကွတ်ခိုင်မြို့၊ နောင်ဆွေကျေးရွာအနီးတွင် နံနက်ပိုင်း ၁၀ နာရီကစတင်ပြီး ကေအိုင်အေတပ်မဟာ (၄) တပ်ရင်း ၃၉ နဲ့ အကြမ်းဖက် စစ်ကောင်စီတပ်မ ၉၉ ကြား တိုက်ပွဲပြင်းထန်စွာဖြစ်ပွားခဲ့ကြောင်း သိရပါတယ်။
အဆိုပါအကြမ်းဖက် စစ်ကောင်စီတပ် စစ်ကြောင်းက ကွတ်ခိုင် ဗျူဟာကုန်းမှ အေးရှားဝေါဂိတ်တွင် လာရောက်ပို့ဆောင်ထားတဲ့ စစ်ကြောင်းဖြစ်ပြီး ပြည်ထောင်စုလမ်းမအတိုင်း ခြေလျင်စစ်ကြောင်းသွားလာကာ ကေအိုင်အေနယ်မြေဘက် နီးစပ်လာခြင်းကြောင့် ထိတွေ့တိုက်ပွဲဖြစ်ပွားခဲ့တာဖြစ်ပါတယ်။
ကေအိုင်အေတပ်ရဲ့ ကြားဖြတ်တိုက်ခိုက်ခြင်းကိုခံလိုက်ရတဲ့ အကြမ်းဖက် စစ်ကောင်စီတပ်က ထိခိုက်သေဆုံးမှု ရှိနိုင်ကြောင်း တိုက်ပွဲနဲ့ နီးကပ်စွာ ခရီးသွားလာခဲ့သူများထံမှ သိရှိရပါတယ်။
ထို့အပြင် မြောက်ပိုင်းမဟာမိတ်သုံးဖွဲ့နဲ့ အကြမ်းဖက် စစ်ကောင်စီတပ်ကြား ငြိမ်းချမ်းရေးဆွေးနွေးပွဲပျက်ပြယ်သွားပြီးနောက် ကိုးကန့်တပ်စခန်းများကို ထိုးစစ်ဆင်မှုတွေ ပြုလုပ်လာတာကြောင့် ဇွန်လ ၂ ရက်နေ့ကနေ ၆ ရက်နေ့အထိ နှစ်ဖက်တိုက်ပွဲဖြစ်ပွားခဲ့ပြီး စစ်ကောင်စီတပ်မှ သေဆုံးဒဏ်ရာရရှိမှုတွေ များပြားခဲ့ကြောင်း MNDAA ရဲ့ ထုတ်ပြန်ချက်များအရ သိရပါတယ်။
