အကြမ်းဖက် စစ်ကောင်စီတပ်ရဲ့ တပ်စခန်း သုံးခုကို KIA, KPDF ပူးပေါင်းတပ်မှ မီးရှို့ဖျက်ဆီးနိုင်ခဲ့

ဇန်နဝါရီ ၂၆ ရက်၊ ၂၀၂၃ ခုနှစ်။ ဖားကန့်မြို့နယ် ဆယ်ဇင်းကျေးရွာအနီးရှိ အကြမ်းဖက် စစ်ကောင်စီတပ်စခန်းကို ယနေ့ ဇန်နဝါရီ ၂၆ ရက် မနက် ၄ နာရီခွဲတွင် ကချင်လွတ်လပ်ရေးတပ်မတော် တပ်မဟာ ၉ တပ်ရင်း ၂၆ နဲ့ KPDF ပူးပေါင်းတပ်မှ ဝင်ရောက်တိုက်ခိုက်နိုင်ခဲ့ကြောင်း သိရပါတယ်။ အကြမ်းဖက် စစ်ကောင်စီတပ်နဲ့ ရှမ်းနီပြည်သူ့စစ်အဖွဲ့တို့ တပ်စွဲနေရာယူနေတဲ့ တပ်စခန်းကို KIA, KPDF ပူးပေါင်းတပ်မှ ဝင်ရောက်တိုက်ခိုက်ပြီး လက်နက်အချို့ကိုလည်း သိမ်းဆည်းနိုင်ခဲ့သလို တပ်စခန်း နှစ်ခုကို မီးရှို့ဖျက်ဆီးနိုင်ခဲ့ကြောင်း ရှေ့တန်းသတင်းရင်းမြစ်အရ သိရပါတယ်။ နေ့လည် ၁၁ နာရီခန့်မှာတော့ အကြမ်းဖက် စစ်ကောင်စီတပ်မှ ဂျက်တိုက်လေယာဉ် တစ်စီးဖြင့် ဆယ်ဇင်းကျေးရွာအနီးတဝိုက် ဗုံး ၂ လုံး ကြဲချမှု ရှိခဲ့ပါတယ်။ […]

နမ့်ပါချီးတွင် ကေအိုင်အေတပ်နဲ့ အကြမ်းဖက် စစ်ကောင်စီတပ်ကြား တိုက်ပွဲဖြစ်ပွား

ဇန်နဝါရီ ၂၅ ရက်၊​၂၀၂၃ ခုနှစ်။ ရှမ်းပြည်နယ်မြောက်ပိုင်း (Kachin Sub-state)၊ ကွတ်ခိုင်မြို့နယ်၊ နမ့်ပါချီးကျေးရွာတွင် ယနေ့ ဇန်နဝါရီ ၂၅ ရက် မနက် ၁၀ နာရီခွဲတွင် ကေအိုင်တပ်မဟာ ၄ တပ်ရင်း ၈ နဲ့ အကြမ်းဖက် စစ်ကောင်စီတပ်ကြား တိုက်ပွဲဖြစ်ပွားခဲ့ကြောင်း သိရပါတယ်။ မန်နောင်ကျေးရွာကနေ စစ်ကြောင်းထွက်လာတဲ့ အင်အား ၄၀ ပါ အကြမ်းဖက်စစ်ကောင်စီတပ်က ထိုးစစ်ဆင်လာစဉ် ကေအိုင်အေပူးပေါင်းတပ်မှ နမ့်ပါချီးကျေးရွာထိပ် ပါဂျူလမ်းဆုံတဝိုက် စောင့်ကြိုတိုက်ခိုက်ပြီး နှစ်ဖက် ၁၅ မိနစ်ခန့် တိုက်ပွဲဖြစ်ပွားခဲ့ကြောင်း ရှေ့တန်းသတင်းရင်းမြစ်က ပြောပါတယ်။ နှစ်ဖက်တိုက်ပွဲဖြစ်ပွားပြီး ၁၁ နာရီခန့်တွင် ကွတ်ခိုင် ဗျူဟာကုန်းရှိ စစ်ကောင်စီတပ်က တိုက်ပွဲဖြစ်ပွားရာနေရာဘက် လက်နက်ကြီးပစ်ခတ်မှုတွေလည်း ဆက်လက်ရှိနေခဲ့ကြောင်း သိရပါတယ်။ ယခုရက်ပိုင်းအတွင်း ကေအိုင်အေတပ်နဲ့ အကြမ်းဖက် […]

KPDF ပူပေါင်းတပ်နဲ့  အကြမ်းဖက် စစ်ကောင်စီတပ်ကြား စစ်ကိုင်းအစပ်တွင် တိုက်ပွဲပြင်းထန်နေ

ဇန်နဝါရီ ၂၅ ရက်၊​၂၀၂၃ ခုနှစ်။ ကချင်-စစ်ကိုင်းနယ်စပ် ကနီတွင် ယမန်နေ့ ဇန်နဝါရီ ၂၄ ရက်နေ့ မနက် ၈ နာရီခန့်တွင် အကြမ်းဖက် စစ်ကောင်စီတပ်နဲ့ ကချင်ဒေသကာကွယ်ရေးတပ် KPDF ကြား နှစ်ဖက်တိုက်ပွဲဖြစ်ပွားခဲ့ပါတယ်။ အကြမ်းဖက် စစ်ကောင်စီတပ်က နဘားကျေးရွာအနီး စစ်ရေးလှုပ်ရှားမှု ပြုလုပ်နေချိန် KPDF ပူပေါင်းတပ်နဲ့ ထိပ်တိုက်တွေ့ဆုံခဲ့တာကြောင့် တိုက်ပွဲပြင်းထန်စွာဖြစ်ပွားခဲ့တာပါ။ ယခုရက်ပိုင်းအတွင်း ကသာအထက်ပိုင်း မိုးတားလေးကျေးရွာတဝိုက် အကြမ်းဖက် စစ်ကောင်စီတပ်က စစ်အင်အားတိုးချဲ့ကာ ထိုးစစ်ဆင်တိုက်ခိုက်လာခြင်းကြောင့် KPDF ပူပေါင်းတပ်နဲ့ တိုက်ပွဲပြင်းထန်နေတာဖြစ်ပြီး စစ်ကောင်စီတပ်ဘက်မှ လေကြောင်းပစ်ကူရယူကာ တိုက်ခိုက်လာခြင်းကြောင့် အရပ်သားပြည်သူသေဆုံးထိခိုက်ရရှိမှုတွေနဲ့ နေအိမ်ထိခိုက်ပျက်စီးမှုတွေလည်း ရှိနေပါတယ်။ ကေအိုင်အေတပ်မဟာ ၉ တပ်ရင်း ၆ နယ်မြေ ဖားကန့်မြို့အနီးတွင်လည်း ဇန်နဝါရီ ၂၃ ရက်နေ့ ညနေပိုင်း ၅ […]

ကျောက်ကုမ္ပဏီဝင်းတွင် တပ်စွဲနေတဲ့ အကြမ်းဖက် စစ်ကောင်စီတပ်ကို KIA, KPDF ပူးပေါင်းတပ်မှ တိုက်ခိုက်ခဲ့

ဇန်နဝါရီလ ၂၃ ရက်၊ ၂၀၂၃ ခုနှစ်။ ဖားကန့်မြို့နယ်၊ ယူမာကျေးရွာတွင် ယနေ့ ဇန်နဝါရီ ၂၃ ရက် မနက် ၅ နာရီခွဲခန့်က အဲဗားဝင်းနားကျောက်ကုမ္ပဏီဝင်းတွင် တပ်စွဲနေတဲ့ အကြမ်းဖက် စစ်ကောင်စီတပ်ကို ကေအိုင်အေတပ်မဟာ ၉ တပ်ရင်း ၆ နဲ့  KPDF ပူးပေါင်းတပ်တို့ ဝင်ရောက်တိုက်ခိုက်ခဲ့ကြောင်း သိရပါတယ်။ အကြမ်းဖက် စစ်ကောင်စီတပ်က အင်အား ၂၀ ဝန်းကျင်ဖြင့် အဆိုပါ ကျောက်လုပ်ကွက်ဝင်းတွင် လာရောက်တပ်စွဲနေထိုင်နေစဉ် ဝင်ရောက်တိုက်ခိုက်နိုင်ခဲ့တာကြောင့် အကြမ်းဖက် စစ်ကောင်စီတပ်မှ သေဆုံး ထိခိုက်မှုများနိုင်ကြောင်း သိရပါတယ်။ ထိခိုက်သေဆုံးမှုရှိခဲ့တဲ့ အကြမ်းဖက် စစ်ကောင်စီတပ်က ဘေးပတ်ဝန်းကျင်ဘက် လက်နက်ကြီးရမ်းသမ်းပစ်ခိုက်လိုက်တာကြောင့် ကျေးရွာတွင်း ကျရောက်ပေါက်ကွဲမှုရှိခဲ့ပေမယ့် တစ်စုံတစ်ရာ ထိခိုက်မှုတော့ မရှိခဲ့ကြောင်း ဒေသခံများထံမှ သိရပါတယ်။ ဖားကန့်မြို့တွင်း အကြမ်းဖက် […]

အကြမ်းဖက် စစ်ကောင်စီရဲ့ လေကြောင်းတိုက်ခိုက်မှုကြောင့် အရပ်သားပြည်သူ ၇ ဦးသေဆုံးခဲ့ရ

ဇန်နဝါရီ ၂၀ ရက်၊ ၂၀၂၃ ခုနှစ်။ ကချင်ပြည်နယ်နဲ့ စစ်ကိုင်းတိုင်းအစပ် မိုးတားလေးကျေးရွာအနီးတွင် ဇန်နဝါရီ ၁၈ ရက်နေ့က အကြမ်းဖက် စစ်ကောင်စီတပ်ရဲ့ လေကြောင်းဖြင့် ဗုံးကြဲတိုက်ခိုက်မှုကြောင့် အပြစ်မဲ့ အရပ်သားပြည်သူ ၇ ဦးသေဆုံးခဲ့ရသလို ဇန်နဝါရီ ၁၉ ရက်နေ့တွင်လည်း ထပ်မံလာရောက်ဗုံးကြဲခဲ့ကြောင်း သိရပါတယ်။ ဒုတိယနေ့အဖြစ် ယမန်နေ့ နေ့လည် ၁၂ နာရီခွဲခန့်တွင် အကြမ်းဖက် စစ်ကောင်စီတပ်ဘက်မှ ဂျက်တိုက်လေယာဉ် ၂ စီးဖြင့် တိုက်ပွဲဖြစ်ပွားရာနေရာအပြင် ပြည်သူတွေရှိရာ ဘုန်းကြီးကျောင်းဝင်းတဝိုက်ကိုလည်း လာရောက် ဗုံးကြဲတိုက်ခိုက်ခဲ့ကာ လက်နက်ကြီးဖြင့် တိုက်ခိုက်မှုတွေလည်း ရှိနေသလို တိုက်ပွဲဆက်လက်ပြင်းထန်နေဆဲဖြစ်ကြောင်း သိရပါတယ်။ ဇန်နဝါရီ ၁၈ ရက်နေ့ကတည်းက ဖြစ်ပွားနေတဲ့ အဆိုပါတိုက်ပွဲတွင် အကြမ်းဖက် စစ်ကောင်စီတပ်မှ ထိုးစစ်ဆင် စစ်ရေးလှုပ်ရှားမှု ပြုလုပ်လာခြင်းကြောင့် ကေအိုင်အေတပ်နဲ့ […]